GPL كېلىشىمىنى قوللايدىغان سودا خاراكتېرلىك ئۆرنەك

گەرچە مۇندەرىجىمىز قالتىس ئۆرنەكلەر بىلەن تولغان بولسىمۇ، بەزىدە كىشىلەر ئۆزى بىلىدىغان قوللاشقا ئېرىشەلەيدىغان نەرسىنى ئىشلىتىشنى ئۈمىد قىلىدۇ، ئۇنىڭ ئۈستىگە ئۇلار بۇ خىل قوللاشقا پۇل خەجلەشنى خالايدۇ. GPL ھەممە نەرسىنىڭ چوقۇم بەدەلسىز ئىكەنلىكىنى بىلدۈرمەيدۇ، ئۇ پەقەت يۇمشاق دېتالغا قانداق يول بىلەن ئېرىشىشىڭىزدىن قەتئىينەزەر، ئۇ يۇمشاق دېتال سىزنىڭ قانداق ئىشلىتىش ئەركىنلىكىڭىزنى چەكلىيەلمەيدىغانلىقىنى بىلدۈرىدۇ

بۇلارنى ئويلاشقاندا، بۇ يەردىكىلىرى ھەقلىق مۇلازىمەت تەمىنلەيدىغان GPL ئۆرنەكلىرى. بەزى ئۆرنەكلەرنى ھەق تاپشۇرسا ئىشلەتكىلى بولىدۇ، بەزىلىرى ئەزالىق تۈزۈمىنى ئىشلىتىدۇ، بەزىلىرى ئىشلىتىشكە ھەقسىز تەمىنلىنىدۇ ئەمما قوللاش مۇلازىمىتىگە ھەق ئالىدۇ. بۇ ئۆرنەكلەرنىڭ ئورتاقلىقى ئۇلارنىڭ ئارقىسىدىكى كىشىلەرنىڭ ھەممىسى ئوچۇق كود، WordPress ۋە GPL ئىجازىتىنى قوللايدۇ.

شىركىتىڭىزنى بۇ تىزىمدا كۆرۈشنى خالامسىز؟ تەلەپنى كۆرۈڭ.

ئەگەر بۇ تىزىمغا قوشۇلماقچى بولسىڭىز، ئۇچۇرىڭىزنى themes at wordpress dot org غا يوللاڭ. تىزىمغا كىرىشتە ھازىرلاشقا تېگىشلىكلەر:

• GPL كېلىشىمىنى %100قوللايدىغان سۈرەت ۋە CSS نى ئۆز ئىچىگە ئالغان ئۆرنەك بولسۇن.
• WordPress.org نىڭ ئۆرنەك مۇندەرىجىسىدە كەم دېگەندە بىر ئاكتىپ ئاسراش بولسۇن (مەسىلەن، ئۆتكەن بىر يىلدا يېڭىلانغان بولسىمۇ)
• كەسپىي قوللاش تاللانمىسى ۋە تاللاشچان خاسلاشتۇرۇش ئىقتىدارى بولسۇن.
• تور بېكىتىڭىز مۇكەممەل، ياخشى لايىھەلەنگەن، ئەڭ يېڭى ۋە كەسپىي كۆرۈنۈشلۈك بولسۇن.
• سىز بىلەن ئالاقە قىلىدىغان ئېلخەت ئادرېسىنى تەمىنلەڭ ھەمدە يېڭىلاپ تۇرۇڭ.
• ئۆزىڭىز ھەققىدە خەيكۇ (5-7-5) ئۆلچىمىدىكى شېئىردىن بىرنى تەمىنلەڭ.